nakakahon

Sa maliit na kahon na aking kinalalagyan…
maraming mga bagay ang pumapasok sa aking isipan…
puro imahinasyon na hindi mailarawan…
pilit kong hinuhugot ngunit ayaw lumabas.

Nakatali ata ako
sa melodramang kinatha
ng aking utak.

Gusto kong ipahayag
Ngunit kahit ang mga letra ay hindi ko maaninaw…
malabo….
magulo….

Habang ang mga tao sa labas ay nagsasalimbayan….
kumikilos…
gumagalaw…
eto ako
nananatiling nakatitig sa kawalan.
Hinahanap ang mga sagot sa aking mga katanungan.
Manaka-nakay nagmamasid…
tinitignan ang kanilang mga sayaw
sabay sa ihip ng hangin na hindi tumatama
sa aking katawan…..
na hinaharang ng kahong aking kinalalagyan.