Natuwa naman daw ako dito sa bigay ni TiKey, maganda na ako lalo nya pa akong napaganda (maginsert ng tawa dito kung gusto). Nakabawas ng konting sama ng loob sa pagkawala pansamantala ng aking blog. Ngayon lang ulit ako napadpad dito sa wordpress pagkalipas ng mahigit isang taon. Mahilig kasi akong magsearch ng tag word na manilenya, tinitignan ko kung alin pang site ang gumagamit nito maliban sa akin. Pagclik ko nagulat pa ako dahil parang sarili kong gawa ang tatlong entry na nakita ko.
Mga panahon na kahit may stokwa na ako ay patuloy pa rin akong nangangalikot ng ibang blog. Nag-iisip kung saan ba ako liligaya/sasaya.
Ang laki na ng ipinagbago ng wordpress mula noong unang makita ko to. Dati hirap pa akong magpalit-palit ng template samantalang ngayon umaapaw ang template sa dashboard. At napakaganda ng wp-admin kamo. Palagay ko dito muna ako:(insert ng dalawang unang paragraph sa isa blag na ginawa ko)
Wala pansamantala ang manilenya kung kailan pa naman inaatake akong magblog part two sana ng anniversary entry ko, ang nangyayari eto ako pinagsasawa ang mga mata sa pagbabasa ng mga paboritong blog.
Medyo nagkaproblema sa bandwidth ang isa sinabay pa sa pagsasara ng mga bangko, hindi tuloy ako makapagbayad para sa bagong hosting plan. Lumipat na ako ng hosting, ang sabi ko nga mas gwapo kaysa sa dati kong host pero sa sobrang propesyunal yata nito walang kai-kaibigan, walang kakilala-kakilala. Hindi ko maaccess ang manilenya hanggang sa unang linggo ng Enero.
Baka nga sige dito muna ako.
Recent Comments