My New Year’s Eve

Naghintay ako ng pagpapalit ng taon sa harap ng monitor, wala kasi akong kasama.  Dati-rati mayroon ditong new year’s eve party, yan ay noong nandito pa ang couple housemate naming pinay at indian-malaysian.  Tapos binibisita rin kami ng isang pamilyang pinoy at iba pang mga friends ni younger sis at bayaw.  Sad to say ang blog ni preng bulitas ang kaharap ko.  Teka hindi pala ako sad baka batukan ako.  They’re out up to now nandoon sila sa bahay ng isang kaibigan,  I choosed not to go dahil alam ko tatanga lang naman ako doon.  Mas mabuti pang ito ang tangahan ko:

naks! bida preng bulitas ko ha!

Konting check ng email, and there I saw te neng’s e-card, and then the e-card melts my heart.  I’m closed to tears grabeh… hindi sa message ng card kundi sa background song.  Auld Lang Syne….hindi man lang ginawang upbeat di ba meron namang ganoon?  Ayun naaalala ko ang kamiserablehan ng pagkakataon, nandito ako magbabagong taon nag-iisa/walang kasama e di syempre malungkot.  Walang makausap…buti sumulpot si TiKeY sa kung saan…tapos si myepinoy….tapos dyarannnnnnn!!!! si Ayang makulet.  E di sumaya na rin.

Since walang putukan dito, walang nagkakaingay na mga bata at mga isip-bata, wala lahat ang pwede lang gawin e buksan ang radyo at makinig ng sounds o kaya manood ng kahit na ano..dvd, cable tv at wala na.  Naisip ko na lang gawin yung madalas gawin ni nanay taon-taon. 

Kumuha ako ng itlog at garapon pagkatapos nilagyan ko ng tubig, ang sabi ni nanay pag hinulog mo sa garapon na may tubig ang itlog mag-aanimo tore ito.  At doon daw makikita kung ano ang magiging financial status mo sa buong bagong taon.  Kapag nagsalubong ang taon at tuwang-tuwa syang nagkwento ibig sabihin maganda ang tore nya.  May dalawang matataas na kastilyo abot hanggang sa tuktok ng tubig.  Kapag walang tore naman na akala mo mga bundok bundok na magkakatabi lang …… hindi maganda ang kabuhayan.  Pero yung isip nya doon sa pangalawa hanggang noong araw lang na yun dahil sa masipag naman sya sa paghahanap-buhay hindi nya dinadamdam ang resulta ng itlog nya.

Ang aking itlog bow!!!

eksaktong kinse limang 3 minuto ng binasag ko ang itlog at nilagay sa garapon na may tubig.  Iniwanan ko sya sa harapan ko ng may ilang minuto din.  Para akong si nanay na tuwang-tuwa kasi dalawang tore na matataas ang nakita ko.  Alam ko na hindi totoo ito.  Pero sa panahon ng pag-iisa syempre aaliwin mo na lang ang sarili mo… at nakita kong magandang pang-aliw ang isang bagay na madalas gawin ni nanay sa tuwing sasapit ang Bagong Taon.

Kani-kanina lang biglang tumunog ang handfone ko, hudyat ng isang text message… si nanay ang sabi :

“HAPPY NEW YEAR WIS K SANA MAGING MATATAG K atMAGKAROON NG TWALA S SARILI

I LOVE YOU GOD BLESS U”

Ganyan na ganyan……ang nanay ko tekster na tekster……….pero napasaya nya ang simula ng Bagong Taon ko.